मुंबईतील ‘गिल्बर्ट हिल’ चा बुर्ज खलिफाच्या धर्तीवर होणार पर्यटनस्थळ म्हणून विकास; राज्य सरकारचा मोठा निर्णय.
|
😊 कृपया ही बातमी शेअर करा😊
|
- प्रतीनीधी : नितीन राने :- मुंबईतील गिल्बर्ट हिल चा बुर्ज खलिफाच्या धर्तीवर होणार विकास.पर्यटन स्थळ म्हणून विकास करण्यात येणार असल्याचे उपनगरचे पालकमंत्री मंगलप्रभात लोढा यांची माहिती. काय आहे राज्य सरकारचं प्लॅनिंग…?
- देश-विदेशातील पर्यटकांचे आकर्षण असलेल्या दुबईतील ‘बुर्ज खलिफा’ च्या धर्तीवर मुंबईतील ‘गिल्बर्ट हिल’ चा पर्यटनस्थळ म्हणून विकास करण्यात येणार असल्याचे उपनगरचे पालकमंत्री मंगलप्रभात लोढा यांनी सांगितले.
- हा परिसर पुढील वर्षभरात विकसित करण्याचे राज्य सरकारने प्रस्तावित केले असून त्यासाठी निधी कमी पडू दिला जाणार नाही, अशी ग्वाही लोढा यांनी दिली आहे.
- ज्वालामुखीच्या लाव्हा रसातून जगात अनेक ठिका णी नैसर्गिक टेकड्या निर्माण झाल्या. त्यापैकी अंधेरी पश्चिम येथील गिल्बर्ट हिल ही ६६ दशलक्ष वर्षांपूर्वी निर्माण झालेली टेकडी आहे.
- संपूर्ण जगात अशाप्रकारे बेसाल्ट स्तंभांची रचना अगदी मोजक्याच ठिकाणी पाहायला मिळते. सन १९५२मध्ये या टेकडीला राष्ट्रीय वारशाचा दर्जा देण्यात आला आहे.
- सुमारे २०० फूट उंचीच्या या टेकडीच्या परिसरात गेल्या अनेक वर्षांपासून झोपड्यांचे अतिक्रमण झाले आहे. त्यामुळे टेकडीच्या भवितव्याबाबत अभ्यासकांमध्ये चिंता व्यक्त केली जात आहे.
- या परिसरातील झोपड्या हटवून टेकडीचा विकास करण्याचा विचार गेल्या अनेक वर्षांपासून मुंबई महापालिकेच्या पातळीवर सुरू आहे.
- २०२०मध्ये पालिकेच्या के पश्चिम विभाग कार्याल याने अभ्यासकांसह टेकडीची पाहणी करून पर्यटनस्थळ म्हणून विकास करण्याचे प्रस्तावित केले होते.
- पालकमंत्री मंगलप्रभात लोढा हे रविवारी एका कार्यक्रमानिमित्त या परिसरा त आले असताना त्यांनी या टेकडीचा बुर्ज खलिफा वास्तूच्या धर्तीवर राज्य सरकार विकास करणार असल्याचा मनोदय व्यक्त केला.
- गिल्बर्ट हिलला भूवैज्ञानिक वारसा म्हणून अतिशय मोलाचे स्थान आहे. या परिसराचा पर्यटनस्थळ म्हणून विकास झाल्यास देश-विदेशातील पर्यटक येथे भेट देतील आणि मुंबईचे पर्यटन महत्त्व आणखी वाढेल.
- असे नमूद करून पुढील वर्षभरात या परिसराला पर्यटन स्थळ म्हणून विकसित करण्यासाठीच्या उपाययोजना करण्याच्या सूचनाही त्यांनी राज्य सरकारच्या संबंधित विभागाला केल्या आहेत.
- गावदेवी मंदिरासाठी लिफ्ट
- गिल्बर्ट हिलवर गावदेवीचे मंदिर असून तिथे भावि कांना जाण्यासाठी लिफ्ट ची सुविधा देण्यात येणार आहे. या प्रकल्पासाठी पालकमंत्री लोढा यांनी निधी उपलब्ध करून दिला आहे.
- सार्वजनिक बांधकाम विभागाकडून लवकरच या प्रकल्पाला सुरूवात होईल, अशी माहिती स्थानिक आमदार अमित साटम यांनी दिली.
- ग्रोवर गिल्बर्ट यांचे नाव
- टेकडीचे महत्त्व आणि वेगळेपण वारंवार पुरातत्त्व शास्त्रज्ञांनी पुढे आण ल्यानंतर मुंबई महापालिकेने या टेकडीचा पर्यटन क्षेत्रांच्या यादीत समावेश केला आहे.
- ज्वालामुखीतून निघणाऱ्या लाव्हा रसाचे एका विशिष्ट पद्धतीने उत्सर्जन झाले की, अशा स्तंभीय रचनेची निर्मिती होते.
- अमेरिकेचे भूगर्भशास्त्र अभ्यासक ग्रोवर कार्ल गिल्बर्ट यांनी या रचनांचा अभ्यास करून त्यांच्या जन्म रहस्यांची उकल करणारे गृहितक मांडले. त्यामुळे ही टेकडी गिल्बर्ट यांच्या नावाने ओळखली जाते.
- मानवी उत्क्रांतीच्याही आधीचा दगड
- ज्वालामुखीच्या उद्रेकातून ब्लॅक बेसाल्ट दगडाची बनलेली ही टेकडी पाहताना दगडाचे चौकोनी काप एकमेकांना जोडावेत अशी तिची रचना दिसते.
- कित्येक कोटी वर्षांपूर्वी तयार झालेला हा दगड हात लावून अनुभवता येतो. मानवी उत्क्रांतीच्याही आधी तयार झालेला हा दगड असल्याचे मत अभ्यासकांनी नोंदवले आहे.
- जागतिक पातळीवर दखल घेतलेली ही टेकडी वाचवणे आवश्यक असल्याची अभ्यासकांची मागणी आहे.
- सर्व ठळक बातम्यांसाठी जरूर वाचा https://globaltimesnews.in/
|
Whatsapp आयकॉन दाबून ही बातमी शेअर करा |
Advertising Space
आणखी कथा
