24 तासांत 5 अवयवांचे प्रत्यारोपण; विशेष म्हणजे पाचही शस्त्रक्रिया…..

विशेष म्हणजे पाचही शस्त्रक्रिया एकाच वेळी करण्यात आल्या.

तिरुवनंतपुरममधील एका खासगी रुग्णालयात अवयव प्रत्यारोपणाची शस्त्रक्रिया झाली. शस्त्रक्रियेचे संचालन करणारे हॉस्पिटलचे नेफ्रोलॉजिस्ट डॉ. प्रवीण मुरलीधरन म्हणाले की, हे टीम वर्क होते. या काळात यकृत, मूत्रपिंड आणि स्वादुपिंडाचे प्रत्यारोपण करण्यात आले. सरकारने आम्हाला हे प्रत्यारोपण करण्याची परवानगी दिली होती. त्यानुसार शस्त्रक्रिया करण्यात आली.

डॉ. मुरलीधरन म्हणाले की. ही संपूर्ण प्रक्रिया मोठ्या संख्येने डॉक्‍टर, परिचारिका आणि सहाय्यक कर्मचारी यांच्या प्रयत्नांनी तसेच विविध सरकारी संस्थांचे सहकार्य आणि KIMS हॉस्पिटल प्रशासनाच्या मदतीने पूर्ण झाली.

डॉक्‍टर मुरलीधरन यांनी सांगितले की, एका मुलीची किडनी आणि लिव्हर दोन्ही खराब असल्याने तिला या दोन्ही अवयवांची गरज होती. 24 वर्षीय व्यक्तीकडून मिळालेले यकृत मोठे असल्याने आम्ही त्याचे दोन भाग करून दोन रुग्णांमध्ये प्रत्यारोपण केले. जिच्या जीवाला धोका होता त्या मुलीला एक तुकडा प्रत्यारोपित करण्यात आला. त्यामुळे एका यकृताने दोन रुग्णांचे प्राण वाचले.

त्याचप्रमाणे, दुसरे सामायिक प्रत्यारोपण स्वादुपिंड आणि मूत्रपिंडाचे होते. हे एका पुरुष रुग्णावर केले गेले. शस्त्रक्रियेनंतर सर्व रुग्ण निरोगी आहेत. अवयव प्रत्यारोपणाला 18 ते 24 तास लागले. हे हॉस्पिटल मुळात ट्रान्सप्लांटसाठीचे खास हॉस्पिटल आहे.                                                                  सर्व ठळक बातम्यांसाठी जरूर वाचा  https://globaltimesnews.in/