3 जिल्ह्यांच्या भाजप पदाधिकाऱ्यांत जुंपली: स्थानिक पदाधिकाऱ्यांची संघटनमंत्र्यांकडे तक्रार.

प्रतीनीधी : संदीप कारके :- केंद्रीय गृहमंत्री अमित शाह यांची छत्रपती संभाजीनगर येथे होणारी सभा रद्द झाली. मात्र, सभेच्या संयोजना वरून भारतीय जनता पक्षात महाभारत घडले आहे.
सभा तीन जिल्ह्यांच्या क्लस्टरची असताना केवळ छत्र पती संभाजीनगरातील स्थानिक पदाधिकारी चमकोगि री करत असल्याबद्दल इतर जिल्ह्यांच्या पदाधिकाऱ्यांनी आक्षेप घेतला.
त्यामुळेभाजपमधील अंतर्गत कलह चव्हाट्यावर आला. केंद्रीय गृहमंत्री शाह यांची १५ फेब्रुवारी रोजी छत्रपती संभाजीनगरात सभा होणार होती.
दिल्ली येथे सुरू असलेल्या शेतकरी आंदोलनाच्या पार्श्व भूमीवर शहा यांची सभा रद्द केल्याचे सांगितले जाते. संभाजीनगर, नगर व जालना जिल्ह्यातील ४ लोकसभा मतदारसंघांसाठी ही सभा होती.
असे असताना इतर जिल्ह्यांचे जिल्हाध्यक्ष, प्रदेश पदा धिकारी, आमदार, खासदार, मंत्री आदींना विचारात न घेता स्थानिक पदाधिकाऱ्यांनी आपलेच घोडे दामटले, अशी अन्य जिल्ह्यांतील पदाधिकाऱ्याची तक्रार आहे.
प्रदेश पदाधिकाऱ्यांशी शाब्दिक चकमक
गर्दी जमवायला आम्ही आणि प्रदर्शन करायला तुम्ही, अशा शब्दांत जिल्हाध्यक्षांनी भाजपच्या स्थानिक पदाधिकाऱ्यांना सुनावले.
स्थानिक पदाधिकाऱ्यांची अनेक प्रदेश पदाधिकाऱ्यां सोबत ‘तू तू मैं मैं’ झाली.
भाजपचे छत्रपती संभाजीनगर उत्तरचे अध्यक्ष सुहास शिरसाठ, दक्षिणचे अध्यक्ष संजय खंबायते, जालन्याचे आणि नगरचे जिल्हाध्यक्ष यांना विचारात घेतले नसल्या ने त्यांनी संघटनमंत्र्यांकडे नाराजी व्यक्त केल्याचे खात्री लायक सूत्रांनी सांगितले.
सर्व ठळक बातम्यांसाठी जरूर वाचा https://globaltimesnews.in/