राज्यस्तरीय कॅडेट तायक्वाॅंडो स्पर्धेत रोटरी स्कूलच्या आयुष जाधव याला सुवर्ण पदक.
|
😊 कृपया ही बातमी शेअर करा😊
|
- प्रतीनीधी : खेड : प्रमोद तरळ :- दि. १७ जुलै ते २० जुलै २०२४ रोजी दरम्यान चंद्रपूर येथे पार पडलेल्या राज्सस्तरीय तायक्वाॅंडो स्पर्धेत रोटरी इंग्लिश मिडिअम स्कूलच्या कुमार आयुष जाधव याने रत्नागिरी जिल्ह्याचे प्रतिनिधित्व करत सुवर्ण पदक पटकावले.
- सदर स्पर्धा ७ वी महाराष्ट्र राज्य कॅडेट क्यारोगी व पुमसे चॅम्पियनशीप २०२४-२५ तायक्वाॅंडो असोसिएशन ऑफ महाराष्ट्र व तायक्वाॅंडो असोसिएशन चंद्रपूर यांच्यामार्फत चंद्रपूर येथे पार पडल्या.
- या स्पर्धेमध्ये महाराष्ट्र राज्यातील अनेक जिल्हयातील स्पर्धकांनी सहभाग नोंदवला होता. या राज्यस्तरीय स्पर्धेमध्ये आयुष जाधव याने रत्नागिरी जिल्हयाचे प्रतिनिधित्व केले.
- त्याने जिल्हा संघातून ५५ किलो वजनी गटामध्ये बीड, वर्धा, लातूर, कोल्हापूर या जिल्हयातील खेळाडूंवर मात करत सुवर्ण पदक पटकावले.
- आयुष जाधव हा रोटरी स्कूलमध्ये इयत्ता आठवीमध्ये शिकत असून त्याला तायक्वाॅंडोची लहानपणापासून विशेष आवड आहे. त्याने यापूर्वीही तालुका, जिल्हा व राज्यस्तरावरील अनेक स्पर्धांमध्ये यश मिळवले आहे.
- सदर स्पर्धेमध्ये अव्वल ठरल्याने त्याला सुवर्ण पदक व प्रश स्तीपत्र देऊन गौरविण्यात आले. या यशस्वी खेळाडूला शाळे चे तायक्वाॅंडो प्रशिक्षक कृणाल चव्हाण यांचे मोलाचे मार्गदर्श न लाभले.
- शाळेचे चेअरमन मा. श्री बिपीनदादा पाटणे, सर्व पदाधिकारी, मुख्याध्यापिका सौ. भूमिता पटेल, सर्व शिक्षक व शिक्षकेतर कर्मचारी यांनी सुवर्ण पदक विजेता आयुष जाधव याचे अभि नंदन केले.
- सर्व ठळक बातम्यांसाठी जरूर वाचा https://globaltimesnews.in/
|
Whatsapp आयकॉन दाबून ही बातमी शेअर करा |
Advertising Space
आणखी कथा
