बाजारात LIC चा शेअर पुन्हा धडाम….!
|
😊 कृपया ही बातमी शेअर करा😊
|
- रिपोर्टर : नितीन राने :- आयुर्विमा महामंडळाच्या (एलआयसी) शेअर्समध्ये सातत्याने घसरण होताना दिसत आहे. देशातील सर्वात मोठ्या विमा कंपनीचा शेअर त्याच्या IPO किमतीच्या सुमारे ५०% खाली घसरला आहे. बाजारात शेअरच्या घसरणीत गुंतवणूकदार मात्र धास्तावले आहेत.
- हायलाइट्स:
- अदानी-हिंडेनबर्ग विवादात LIC च्या शेअर्सचं नुकसान सहन करावं लागत आहे
- एलआयसीचा शेअर सर्वकालीन नीचांकी पातळीच्या जवळ पोहोचला आहे
- बाजारात शेअरच्या घसरणीत गुंतवणूकदार मात्र धास्तावले आहेत.
- अदानी ग्रुप आणि हिंडेनबर्ग यांच्या प्रकरणात पुन्हा एकदा एलआयसीच्या शेअर्समध्ये घसरणीची नोंद करण्यात आली आहे.
- अदानी आणि हिंडेनबर्ग प्रकरणात अडकलेल्या एलआयसीच्या शेअर्समध्ये गेल्या अनेक दिवसांपासून विक्रीचा दबाव दिसत आहे.
- दरम्यान, एलआयसीचा शेअर त्याच्या IPO किमतीच्या बँडपेक्षा ५०% खाली घसरला आहे. देशातील विमा क्षेत्रातील सर्वात मोठी कंपनी भारतीय आयुर्विमा महामंडळ किंवा एलआयसीचे शेअर्स मंगळवारच्या बाजार सत्राच्या सुरुवातीला आपल्या सर्वकालीन नीचांकी पातळीच्या जवळ पोहोचले आहेत.
- आजच्या बाजार सत्रात भारतीय आयुर्विमा महामंडळाच्या समभागांनी (एलआयसी शेअर) आज NSE वर ६००.४० रुपयांचा नवा नीचांक गाठला.
- अशा परिस्थितीत पुन्हा एकदा एलआयसीच्या गुंतवणूकदारांची चिंता वाढली आहे. मात्र अनेक ब्रोकरेजने एलआयसीवर विश्वास दाखवत शेअरची किंमत भविष्यात वाढण्याचा अंदाज वर्तवला आहे.
- चालू आर्थिक वर्षातील तिसऱ्या तिमाहीत एलआयसीच्या नफ्यात वार्षिक आधारावर अनेक पटींनी वाढ नोंदवण्यात अली असून त्यांचे प्रीमियमही उत्पन्न वाढले आहे.
- चांगल्या तिमाही निकालानंतर, ब्रोकरेज फर्म मोतीलाल ओसवालने एलआयसी शेअरवरील खरेदी सल्ला कायम ठेवला. ब्रोकरेजने म्हटले की कंपनीची वार्षिक प्रीमियम वाढ (एपीई) मध्यम आहे.
- एलआयसीवर ब्रोकरेजचे मत काय?
- एलआयसीच्या शेअरमध्ये गुंतवणूक केलेल्यांसाठी ब्रोकरेज फर्म मोतीलाल ओसवाल यांनी एलआयसीवर खरेदी करण्याचा सल्ला देत प्रति शेअर किंमत ८३० रुपये निश्चित करण्यात आली आहे.
- यापूर्वी १० फेब्रुवारी २०२३ रोजी शेअरची किंमत ६२० रुपये प्रति शेअरवर बंद झाली होती. अशाप्रकारे, सध्याच्या किंमतीपासून ब्रोकरेजने स्टॉकमंदाचे सुमारे ३४ टक्क्यांची मजबूत उसळीचा अंदाज वर्तवला आहे.
- दरम्यान गेल्या एका वर्षात स्टॉकमध्ये ३० टक्क्यांहून अधिक वाढ झाली आहे.
- लक्षणीय आहे की मागील एका महिन्यात एलआयसीशेअर्समध्ये १४.४५ टक्क्यांनी पडझड झाली असून कंपनीच्या स्टॉकमध्ये पैसा ओतलेल्या गुंतवणूकदारांना मोठं नुकसान सहन करावा लागला आहे.
- ५८२.३५ रुपये एलआयसीचा ५२ आठवड्यांची नीचांकी पातळी आहे तर ९४९ शेअरचा सर्वकालीन उचचांक आहे.
- एलआयसीचे तिमाही निकाल
- चालू वर्षाच्या डिसेंबर २०२२ च्या तिमाहीत विमा कंपनीने ६,३३४.१९ कोटींचा निव्वळ नफा नोंदवला, जो एका वर्षापूर्वी याच तिमाहीत २३४.९१ कोटी रुपये होता.
- सप्टेंबर तिमाहीच्या तुलनेत नफा कमी असला तरी, एलआयसीला Q2 मध्ये १५,९५२.४९ कोटी रुपयांचा नफा झाला होता. याशिवाय कंपनीच्या निव्वळ प्रीमियम उत्पन्नात १४.५% ची वाढ नोंदवली गेली, जी १.११ लाख कोटी रुपये आहे.
- सर्व ठळक बातम्यांसाठी जरूर वाचा https://globaltimesnews.in/
- ( नोट: वर दिलेली माहिती शेअर्सच्या कामगिरीच्या आधारावर देण्यात आली आहे. शेअर बाजारात खरेदी/विक्री करताना तुमच्या सल्लागाराचा सल्ला घ्या. शेअर बाजारातील गुंतवणूक जोखीमच्या अधीन आहे. )
|
Whatsapp आयकॉन दाबून ही बातमी शेअर करा |
Advertising Space
आणखी कथा
