भायंदर पूर्वेत बिबट्याचा धुमाकूळ; नागरिकांमध्ये भीतीचे वातावरण.
- प्रतिनिधी : नितीन राणे :- मुंबई शहरालगत असलेल्या भायंदर पूर्वेतील बी.पी.रोड परिसरात साईबाबा हॉस्पिटल जवळ बिबट्याने नागरिकांवर हल्ला केल्याची धक्कादाय क घटना घडली आहे.
- या अचानक घडलेल्या घटनेमुळे परिसरात एकच खळ बळ उडाली असून नागरिकांमध्ये तीव्र भीतीचे वातावरण पसरले आहे.
- भायंदर पूर्वेतील रहिवाशी श्री संदीप शांताराम राणे ह्यांनी दिलेल्या प्राथमिक माहितीनुसार, आज शुक्रवार दिनांक १९ डिसेंबर, सकाळी ८ वाजताच्या सुमारास बी.पी. रोड वरून ये-जा करणाऱ्या नागरिकांवर बिबट्याने अचानक झडप घातली.
- या हल्ल्यात काही नागरिक जखमी झाल्याची शक्यता असून त्यांना तातडीने जवळील साईबाबा हॉस्पिटलमध्ये उपचारासाठी दाखल करण्यात आले. सुदैवाने मोठी जीवितहानी टळली आहे.
- घटनेची माहिती मिळताच वनविभाग, महापालिका आणि पोलीस प्रशासनाने तात्काळ घटनास्थळी धाव घेतली.
- परिसरात शोधमोहीम राबवण्यात येत असून बिबट्याला जेरबंद करण्यासाठी पिंजरे लावण्यात येत आहेत.
- नागरिकांनी अफवांवर विश्वास न ठेवता प्रशासनाच्या सूच नांचे पालन करावे, असे आवाहन करण्यात आले आहे.
- दरम्यान, भायंदर पूर्व परिसरात अलीकडच्या काळात मो कळ्या जागा कमी होणे, जंगलालगतच्या भागात वाढले ली वस्ती आणि अन्नाच्या शोधात वन्यप्राण्यांचे मानवी व स्तीत येणे ही या घटनेची संभाव्य कारणे असल्याचे तज्ज्ञां चे मत आहे.
- प्रशासनाने पुढील आदेश येईपर्यंत नागरिकांनी रात्रीच्या वे ळी अनावश्यक बाहेर पडू नये, लहान मुलांना एकटे सोडू नये आणि संशयास्पद हालचाल दिसल्यास तात्काळ पो लिस वा वनविभागाला कळवावे, असे आवाहन केले आहे.
- या घटनेमुळे भायंदर पूर्वेतील नागरिकांमध्ये चिंतेचे वाता वरण असून बिबट्याला लवकरात लवकर पकडण्यात यावे, अशी जोरदार मागणी नागरिकांकडून होत आहे.
- सर्व ठळक बातम्यांसाठी जरूर वाचा https://globaltimesnews.in/
Loading ...
